Finss.az xəbər verir ki, Citi Research analitikləri Brent markalı neftin qiymətinin 2025-ci ilin sonuna qədər 60 dollar/barel səviyyəsinə enəcəyini proqnozlaşdırır. Bu azalma OPEC+ ölkələrinin hasilatı artırması və qlobal tələbin zəif qalması ilə əlaqələndirilir.

Proqnoza əsasən, 2025-ci ilin II-IV rüblərində Brent neftinin orta qiyməti 62 dollar/barel olacaq. Analitiklər hesab edir ki, təklif profisiti 2025-ci ildə gündəlik 1,1 milyon barel, 2026-cı ildə isə 1,6 milyon barel təşkil edəcək. Bu isə neft bazarında qiymətlərin aşağı yönlü təzyiq altında qalmasına səbəb olacaq.

Qiymətlərin düşməsi enerji ixracatçısı ölkələrin büdcələrinə mənfi təsir edə, eyni zamanda istehlakçı ölkələr üçün inflyasiya təzyiqlərini azalda bilər. Citi Research bildirir ki, neft bazarında balans yalnız hasilat siyasətinə yenidən baxılarsa bərpa oluna bilər.